ابودية رهيب

هله يل كل عشرتي وياك ماسات(( يعني مأسات))
وأسكر لو شفاي شفاك ماسات
ألك خدين بيض تكول ماسات
من أبوسك ينعكس وجهي عليه...
أسمك أغنية بشفتي ورد بي
وخدك مشتل وخضّر ورد بي
أروح بدرب مدرستك ورد بي
أشوفك ردت اني وهاي هيه..
تمرضت وصعد مرضي على شفاي
وطب لندن فلا يكدر على شفاي
حبيبي من تحط شفتك على شفاي
أطيبن وكل مرض ما يضل بيه....
طبيب الهوه جم بوسة وصفلك
ودور الكون وما ألكه وصف لك
ألك رحلة بوسط كلبي وصف لك
لو تاخذ صفر انطيك مية...
جمالك زاد فوك الحسن وصفة
ودليلك صافي مثل الذهب وصفة
عليمن يكتب الدكتور وصفة
اذا انته الدوة والصيدلية...
حبك شامة بخدودي ودكة
وأحط بالقلب بسمارك ودكة
شجم دكة شفت منك ودكة
ورغم كل هذا حبك مو بدية..